Die USB Stokkie bevat 'n verduideliking van elk van die 66 Bybelboeke. Die Bybel is God se boek. Met 'n geraamde verkope van meer as 5 miljard kopieë word die Bybel algemeen as die topverkoper boek van alle tye beskou. Na raming word 100 miljoen Bybels jaarliks verkoop. Ons weet uit ervaring dat hoe bekender ‘n skrywer is, hoe meer boeke sal hy/sy verkoop. Wel daar is nie ‘n outeur wat meer bekend is as God nie, en Hy is die Outeur van die Bybel. 2 Tim 3:16 Verklaar “Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid”. Met ander woorde die Bybel is God se Boek en in Sy boek praat Hy met ons en maak hy Homself aan ons bekend. Hy leer ons hierin wie Hy is en wat Hy van ons verwag.